(VIDEO) Lecce fiton me Ramadanin në fushë, i largohet zonës së ftohtë

Lecce mundi 2-1 Udinesen në ndeshjen e Serie A. Te Lecce titullar ishte Ylber Ramadani, me mesfushorin e kombëtares që luajti 90 minuta. Paraqitja e Ramadanit u vlerësua me notën 7.3.

Pas takimit, mesfushori kuqezi i kombëtares, Ylber Ramadani bëri komentin e tij.

“Jam i sinqertë, nuk e meritojmë këtë pozicion në klasifikim. Para ndeshjes kam thënë që kjo ishte një mundësi e madhe, është një fitore e cila na jep vazhdimësi dhe besim për ndeshjet e ardhshme.

“Kontrolluam ndeshjen? Po, ishte vetëm rasti i penalltisë në pjesën e parë. Pastaj topin e kishim gjithmonë ne. Dua të falënderoj tifozët tanë, na japin gjithmonë shumë. Le të vazhdojmë kështu, mbeten edhe 14 ndeshje për të arritur objektivin tonë”.

Me këtë sukses, Ramadani me shokë largohen disa nga zona e ftohtë, por rreziku për Leccen ekziston, pasi ka vetëm 3 pikë më shumë se Fiorentina e vendit të 18-të.

Në sfidën tjetër të luajtur, Bologna-Parma përfundoi 0-1 për skuadrën e trajnerit Guesta.