VIDEO/ Liam Mandiaro arrestohet për mashtrim, befasohen banorët e BBV

Kohë leximi: 3 min

Mbi arrestimin e Liam Osmanit (Mandiaro), konkurrentit të ri që mbrëmjen e djeshme u bë pjesë e Big Brother janë informuar edhe banorët e tjerë.

Zarfin e kuq që mbërriti në shtëpi e lexoi Sara, ndërsa për ta ky ishte një lajm surprizë, që i befasoi të gjithë.

“Banorë, vëllai i madh ka një njoftim të rëndësishëm për t’ju dhënë. Liami, sot paradite është shoqëruar nga policia e shtetit, për veprime të mëtejshme të procedurale në lidhje me një vendim të prokurorisë dhe gjykatës, që e ka dënuar Liamin Osmanin, i cili përmes mashtrimit ka mashtruar një agjenci duke i marrë 17 bileta turistike për në Gjermani dhe nuk ka kryer pagesat përkatëse. Ai nuk do të kthehet më, pasi do të vijojë me procedurat”, thuhet në njoftimin e vëllait të madh.

Policia e Tiranës arrestoi sot një nga banorët e BBVIP3, Liam Osmani i njohur në publik si Liam Mandiaro.

Ky i fundit iu bashkua spektaklit mbrëmjen e djeshme, si një nga banorët e rinj të reality show. Ndërkohë sot në shtëpinë e BB VIP3 zbarkuan forcat operacionale në zbatim të vendimit të Gjykatës, pasi rezulton se Liam Osmani (Mandiro) është i dënuar me 2 vjet e 6 muaj burg për mashtrim.

Sipas raportimeve, Liam Osmani ka mashtruar në shumën e 6 mijë eurove, për 17 bileta të prera për Gjermani.