Linda Halimi ka qenë kryefjala e mbrëmjes së premte në spektaklin ‘Big Brother VIP Kosova’, pasi gjatë mbrëmjes u trajtua historia e jetës së saj, e cila ka qenë e vështirë dhe me pengesa, veçanërisht në vendimin e saj për t’u martuar me një njeri të huaj dhe me ngjyrë.
Ajo tregoi se paragjykimet e kanë lënë atë pa dasmë, nga frika se askush nuk do t’i shkonte në ceremoninë e kurorëzimit.
Mirëpo një ëndërr e tillë u bë realitet brenda shtëpisë së ‘Big Brother VIP Kosova’, ku produksioni kishte organizuar një dasmë befasi për këngëtaren shqiptare.
Enkas nga SHBA kishte ardhur bashkëshorti i saj, Davon Edwards, dhe vajza e saj, Kaimana.
Në një ceremoni modeste me banorët çifti i thanë “Po” njëri-tjetri në sy të mijëra shikuesve, teksa shkëmbyen betimet e tyre të martesës.
Discussion about this post