Ndeshja e Hashtag United kundër Concord Rangers u detyrua të braktiset, pasi një lojtar u godit me fishekzjarr.
Në minutën e 59-të të ndeshjes të së premtes mbrëma të Divizionit Një të Ligës Rezervë të Essex Senior League në Pitsea, lojtari i Hashtag, Matas Skrna ishte duke vrapuar drejt portës së tij kur një fishekzjarrë u qëllua nëpër stadiumin ‘Len Salmon’ nga një shtëpi aty pranë. Disa sekonda më vonë, fishekzjarri shpërtheu pasi goditi Skrna në këmbë.
Siç mund ta shihni në pamjet e mësipërme, Skrna mund shfaqet duke u rrotulluar nga dhimbja përpara se të bjerë në tokë.
Hashtag United, i cili është në krye të Divizionit Një të Ligës Rezervë të Essex Senior League, më vonë konfirmoi se lojtari i tyre ishte në rregull pas incidentit dhe se policia ishte njoftuar.
Klubi shkroi në Twitter: “Ne presim fishekzjarrë sa herë që Hashtag Utd të luajë, por jo si kjo. Lojtari ynë, Matas Skrna, për fat është në rregull, por kjo mund të ishte keq. Loja është braktisur me rezultatin 2-0. Policia është njoftuar. Qëndroni të sigurt.”/K.T/Gijotina.com
Discussion about this post