(VIDEO) Magjia e Levandovskit në Santiago Bernabeu, shënon dy herë në dy minuta, e pason Jamal dhe Rafinja

Barcelona është skuadra për t’u mundur këtë sezon, me katalanasit që kanë turpëruar me “poker” Real Madridin.

Në “El Clasicon” e parë te sezonit, çdo gjë foli për të besuarit e Hansi Flick, të cilëve u mjaftoi pjesa e dytë për të treguar se janë skuadra më në formë e momentit. Pjesa e parë u mbyll vetëm me një gol të Mbappe, i cili u anulua për pozicoion të parregullt.

E dyta nisi furishëm për katalanasit, ku Levandovski shënoi dy herë në minutat 54′ dhe 56′.

Në të 77’-ën erdhi momenti i adoleshentit Lamine Yamal, i cili realizoi një supergol për të hedhur KO kampionët e Europës.

Kishte festë dhe për kapitenin Raphinha, lojtari më në formë i momentit te katalanasit, i cili gjithashtu realizoi një supergol, për të mbyllur sfidën me rezultatin 0-4.

Kështu Barcelona udhëheq me 30 pikë, 6 më shumë se Reali, me këtë të fundit që nuk arriti dot të thyente rekordin e katalanasve për më shumë ndeshje radhazi pa humbje në La Liga.

REAL MADRID – BARCELONA 0-4

Levandovski 54′ , 56′, Jamal 77′, Rafinja 84′

84′ GOOOOL BARCELONA 0-4/ Katalanasit të papërmbajtshëm! Rafinja shënon golin e katërt, duke turpëruar madrilenët në “Bernabeu”.

(VIDEO) 

77′ GOOOOL BARCELONA 0-3/ Kapitullojnë madrilenët, talenti Lamin Jamal shënon golin e tretë për katalanasit. Një realizim perfekt me të djathtën.

(VIDEO) 

56′ GOOOOL BARCELONA 0-2/ Sërish Levandovski, polaku dyfishon shifrat në harkun kohor të 2 minutave. 

(VIDEO)

54′ GOOOL BARCELONA 0-1/ Pllakos heshtja në “Bernabeu”, Levandovski kalon në avantazh katalanasit. Polaku nuk fal pas asistit të  Kasado.

(VIDEO) 

gijotina.com/