Mbrëmje plot shkëlqim për të rinjtë e talentuar të martën në Champions, me Endrick dhe Yildiz që thyen rekordet e dy legjendave për klubet përkatëse si Raul dhe Del Piero, për golashënuesit më të rinj.
Endrick u bë golashënuesi më i ri i Real Madridit në Ligën e Kampionëve. Në moshën 18 vjeç e 58 ditë, braziliani theu rekordin e vendosur nga legjenda e klubit Raul në 1995, i cili shënoi kundër Ferencvaros në moshën 18 vjeç e 113 ditë.
Sulmuesi, i cili iu bashkua klubit këtë verë nga Palmeiras, ishte bërë tashmë lojtari më i ri që ka shënuar në debutimin e tij në La Liga për Madridin në shekullin e 21-të, pasi erdhi nga pankina kundër Real Valladolid. Pasi zëvendësoi Jude Bellingham në minutën e 80-të në stadiumin Bernabeu, Endrick shënoi me goditjen e fundit të lojës.
Kenan Yildiz
Në debutimin në Champions, Kenan Yildiz, në moshën 19 vjeç e 136 ditë, shënoi golin që i dha Juventus avantazhin ndaj PSV. Talenti turk në daljen e parë europiane me numrin 10 në shpinë, theu rekordin e ish-kapitenit legjendar Alessandro Del Piero, i cili shënoi golin e tij të parë në Champions League në moshën 20 vjeç e 308 ditë.
Yildiz u bë kështu më i riu golashënues i Juventus në historinë e kompeticionit. Goli i shënuar ndaj holandezëve është goli klasik “alla Del Piero” dhe homazhi u plotësua me festimin si Alex, me gjuhën përjashta.
Yildiz u bë gjithashtu lojtari i dytë më i ri që starton titullar në Champions League me fanellën e Juventus, pas vetëm Fabio Miretti (19 vjeç e 34 ditë).
🔥 @delpieroale‘s very first #UCL goal… we thought it looked familiar! 😛 pic.twitter.com/7YNxjzrajf
— JuventusFC 🇬🇧🇺🇸 (@juventusfcen) September 17, 2024
Discussion about this post