Java e 14-të e Superligës shqiptare vuri përballë Kukësin dhe Partizanin, ku të dyja skuadrat erdhën në këtë takim me motivin e vetëm fitoren.
Në takimin e luajtur në stadiumin ‘Loro Boriçi’ të kuqtë e Ilir Dajës ishin të parët që kaluan në avantazh, me Mustën që arriti të gjejë golin në minutën e 11’ për Partizanin pas një goditje dënimi.
Pas kësaj ‘tronditje’ Kukësi tenton të reagojë me dy sulme të organizuara nga kapiteni Taipi, ku arriti të godasë dy herë në drejtim të portës së Teqjas, por goditja e pare fluturon mbi traverse, ndërsa e dyta godet shtyllën.
Vazhdimi i lojës krijoi raste për të dyja skuadrat, por dëshira për ti finalizuar aksionet mungoi, duke i dërguar kryeqytetasit në dhomat e zhveshjes me avantazhin 1-0.
Discussion about this post