Banorët e fshatrave Kërçishtit i Sipërm dhe i Poshtëm kanë vijuar protestën e tyre në mbrojtje të burimit të ujit që i furnizon.
Në protestën e sotme, të gjithë kanë dalë para kamerave dhe kanë kërkuar që të mos përfundohet projekti me furnizim me ujë të pijshëm të Maqellarës.
Bëhet me dije se burra, gra e fëmijë kanë dalë sërish këtë të hënë në rrugë për të ndaluar nisjen e punimeve, para se të shkonin mjetet e firmës së punimeve që ka fituar tenderin për zbatimin e projektit.
“Ne nuk kemi ujë për të pirë, do vdesim këtu, do bëhemi kufoma. Ujin nuk ka shanse të na e marrin,”-tha para kamerave një prej banoreve. Ndërsa një tjetër shton: Na i kanë lënë fëmijët me stres?
Ata janë të vendosur që nuk do të lejojnë për asnjë arsye marrjen e ujit të fshatit si dhe i kërkojnë Bashkisë Dibër të anulojë projektin. Protesta e banorëve është monitoruar nga Policia e Shtetit, ndërsa nuk është shënuar incident.
Discussion about this post