Një lëndë plasëse iu vendos sot banesës së Ilir Koçiljas, 35-vjeçarit që është arrestuar për vrasjen me thikë të Halil Kokës. Viktima u qëllua pas një sherri që pati me Koçiljan për shkak të një parkimi. Policia arrestoi disa orë pas krimit 35-vjeçarin, ndërsa sot në pjesën e jashtme të dritares së banesës së tij u vendos lëndë plasëse. Nga shpërthimi pati vetëm dëme materiale, ndërsa në banesë nuk kishte asnjë njeri.
Ndërkohë Top Channel ka publikuar një video, ku shfaqet një person me kapele, që dyshohet se është ai që ka vendosur lëndën plasëse në banesën e Ilir Koçiljas mbrëmjen e sotme në Durrës.
Sikurse duket nga pamjet e sigurisë, ai kalon pranë banesës, teksa mban një kapele dhe qëndron kokulur.
Ndërkohë policia po punon për të verifikuar nëse është ky personi që ka vendosur lëndën plasëse.
Shpërthimi ndodhi rreth orës 19.50.
Discussion about this post