Fredi Beleri i cili ndodhet në paraburgim pasi u arrestua për “korrupsion aktiv” në zgjedhje për blerje votash, ka siguruar fitoren pas numërimit të votave në 36 kuti. Ai fitore me një diferencë mjaftë të ngushtë përballë Jorgo Goros.
Ndërkohë, një festë e madhe ka nisur jashtë një qendre votimi në Himarë, pasi pëfundoi numërimin e votave. Fitorja e Belerit u prit me britma, gëzim dhe lot nga mbështetësit e tij. Ata kanë nisur festën dhe janë drejtuar drejt sheshit kryesor. Ndërkohë mediat greke po i bëjnë jehonë fitores së tij. “Protothema” shkruan se “pavarësisht incidenteve në ditën e votimit dhe përplasjeve në orët e para të mëngjesit Beleri ia doli të fitonte”.
Ndërsa tani mbetet për t’u parë vendimi që do të jepet për Belerin nga drejtësia, sepse nëse ai dënohet bashkia Himarë do të kryejë zgjedhje të tjera.
Discussion about this post