Pasagjerët që udhëtonin me një Boing 777-300 kanë kaluar momente paniku dhe tmerri, teksa avioni rus Aeroflot nisi “dridhej” në mënyrë të pakontrolluar pasi u përfshi nga turbulenca.
Sipas mediave të huaja, pasagjerët në panik janë kapur te ulëset përpara tyre, ndërsa aeroplani u përplas gjatë një fluturimi në linjën Petropavlovsk-Kamchatsky për në Moskë.
Dhe ndërsa aeroplani po fluturonte mbi malet veriore të Uraleve, papritmas filloi të dridhej.
Si pasojë, një grua që kishte shkuar në tualet para se të fillonin turbulencat mbeti me një lëndim në kokë në përpjekje për t’u kthyer në vendin e saj.
Ndërsa një pasagjere femër e quajtur Lyubov tha se ekuipazhi i paralajmëroi njerëzit për turbulencat, por askush nuk e priste që ato të ishin kaq e fuqishme.
Ajo tha se udhëtarëve fillimisht iu kërkua të lidhnin rripat e sigurimit dhe të qëndronin ulur, por më vonë iu kërkua të shtriheshin në dysheme.
“Dukej sikur po rrëzoheshim. Ishte e frikshme. Gjithçka filloi papritur – pati turbulenca të forta. Gruaja e plagosur në atë moment ndodhej në tualet dhe po përpiqej të shkonte në vendin e saj. Ajo mori një lëndim në kokë”, tha Lyubov.
Ekuipazhi më pas filloi të kërkonte mjekë në bord.
Aeroplani u ul në mënyrë të sigurt në destinacionin e tij pa incidente të mëtejshme.
Discussion about this post