Euronews Albania ka publikuar pamjet e dhunës që nje edukatore ka ushtruar ndaj një fëmije vetëm 3 vjeç në një kopsht privat në Astir.
Në video duket momenti teksa edukatorja qëllon me shuplakë të miturin, teksa ky i fundit ishte duke shkuar drejt saj.
Ka qenë babai i fëmijë 3-vjeçar, ai i cili ka denoncuar në polici edukatoren e kopshtit, Rudina Gërdani, 46 vjeçe.
Policia ka shkuar për kontroll në banesën e edukatores, por ajo nuk është gjetur aty.
Kjo ka bërë që edukatorja të shpallet në kërkim, ndërkohë që specialistët për Hetimin e Krimeve të Komisariatit të Policisë Nr. 6 kanë referuar çështjen në Prokurorinë e Tiranës dhe po vijojnë punën për kapjen e saj.
View this post on Instagram
Lorenc Rrapa babai i Priamit 3-vjeçar i cili u dhunua në ambientet e kopshtit ishte këtë të enjte i ftuar në emisionin “People” në Euronews Albania.
Ai ka treguar se djali kishte 3 muaj që shkonte në kopshtin privat “Gledis” në zonën e Astirit, më herët ai ishte në një kopsht tjetër nga ku prindërit e kanë hequr pasi edhe atje panë shenja të keqtrajtimit ndonëse siç pretendon Lorenci jo në këto nivele.
“Momenti i fillimit ka qenë data 20. Kur u nisëm për të çuar Priamin në kopsht ai nuk pranoi. Unë vendosa ta bëja ditën pushim që të qëndronim me familjen. Në darkë kur nusja i bëri dush Priamit dhe shikon të krahu i majtë ishte pak i nxirë. Ai i tha “mos e prek vetëm puçe, më ka kapur Rudi”. Unë e dëgjova dhe e pyeta prapë kush e kishte kapur ai më tha prapë Rudi. Ai po bënte rreth 3 muaj atje. Më herët unë kam qenë në punë dhe nuk kam vënë re shenja dhunë më parë. Mendoja se e kisha lënë djalin të qetë në kopsht”,-tha Lorenc Rrapa.
Pasi ka parë shenjat e dhunës dhe ka siguruar pamje filmike nga kamerat e kopshtit ku dëshmohet se edukatorja ka ushtruar dhunë ndaj 3-vjeçarit, Lorenca Rrapa ka bërë denconimin e saj në polici. Pas kallëzimit në polici, edukatorja është hequr nga puna nga ana e pronarit.
Babai i fëmijës u shpreh se është kërcënuar.
“Edukatorja e ka marr vesh, më kanë telefonaur, më kanë bërë presion, burri i vetë më ka thënë mos ik në polici se e zgjidhim ndryshe. unë i kam thënë nuk zgjidh për fëmijën tim asgjë kështu i thash. Ai më tha “do shihemi ndryshe bashkë”, “Si të duash shihemi i thash”. Kam shkuar në komisariat mbrëmë. Bera kallëzimin e çdo gjë ka qenë në rregull. Nëpërmjet kërkimeve të mia personale mora vesh që edukatorja nuk është paraqitur në Komisariat. Sot shkova prapë te komisariati, te oficeri i policisë kam bërë një kallëzim tjetër sepse më kanë bërë prapë presion njerëzit e saj. Unë dua të them që unë nuk trembem.
Unë nuk trembem nga njerëzit e Rudinës. Unë jam gjithë ditën nga ora 6 e mëngjesit në 6 pasdite në Tiranë. Mua më gjeni ku të doni. Unë nuk trembem. Më kanë bërë presion duke më marrë edhe nga shtete europiane. Më marrin edhe miq të mitë. U kam thënë të mos më marrin më për këtë. Ata duan të mos e vazhdoj më historinë e Priamit, por unë gjakun e fëmijës tim nuk e shes. Jam shumë… nuk e fal unë gjakun e fëmijës tim, nuk e fal atë shpullë”, tha Lorenc Rrapa.
Discussion about this post