Kanë dalë pamjet nga ngjarja e rëndë ne ndodhur në Turqi, ku ish-futbollisti i Bayer Leverkusen dhe Fenerbahçes Sezer Ozturk vret një person dhe plagos katër të tjerë me armë.
Të dielën e 19 shtatorit, sipas mediave turke, viktima i bllokoi rrugën ku duhej të kalonte Ozturk, ndërsa më pas mes tyre nisi një debat i nxehtë dhe ish-futbollisti reagoi shumë keq.
Ozturk nxori një armë dhe hapi zjarr ndaj një grupi njerëzish nga makina e tij duke i marrë jetën një personi.
Ai u largua dhe policia është ende në kërkim, teksa për ish-lojtarin është lëshuar një urdhër arresti.
Rikujtojmë që Ozturk ishte një futbollist profesionist nga 2004 deri në 2015. Mesfushori sulmues u lind në Gjermani dhe e filloi karrierën e tij me Bayer Leverkusen, i cili më pas huazoi atë në Beerschot në 2005. Megjithatë në Turqi, ai do të bënte emër si lojtar i Manisaspor, Fenerbahçe dhe Besiktas./K.T/Gijotina.com
