Disa pamje të publikuara nga mediat greke tregojnë momentet kur forcat e kërkim shpëtimit të stacionuara pranë tunelit të Tempe në Larisa nxjerrin trupat e pajetë të disa prej viktimave nga përplasja e dy trenave.
Trupat e tyre nxirren nga rrënojat dhe mbështillen në qese të zeza.
Bashkë me trupat e kërkim shpëtimit, në terren janë edhe disa qen të trajnuar për operacionet e shpëtimit.
Ngjarja e rëndë ndodhi pak para mesnate në Greqi. Dy trena u përplasën me njëri-tjetrin duke shkaktuar një zjarr që deri më tani iu ka marrë jetën 36 personave.
Një tren me 350 pasagjerë që po udhëtonte nga Athina drejt Selanikut u përplas me një tren mallrash. Shkak për shpërthimin e zjarrit dyshohet se është bërë prerja e një kabulli elektrik në njërën prej vagonët të trenit me pasagjerë që në momentin e përplasjes ka rezultuar fatal.
https://youtu.be/YBEscEcIKJg
Discussion about this post