Ditën e sotme moti i keq ka pushtuar vendin, ku në disa qarqe ka shkaktuar edhe problematika të shumta.
Fushë Arrëzi është një prej zonave më të goditura nga reshjet e dëborës, e cila ka bllokuar disa akse rrugore në këtë qytet dhe ka shkaktuar probleme me energjinë në disa zona.
Euronews Albania ka siguruar video nga dëbona në Fushë Arrëz, ku duket qartë se trashësia e borës është mbi normalen.
Në pamjet e siguruara duket se disa automjete kanë mbetur të bllokuara mes dëborës, ndërkohë që mes tyre e bllokuar ka mbetur edhe një borëpastruese.
Përmes një video-mesazhi, nënkryetari i bashkisë së Fushë Arrëzit, Mikel Qafa reshjet e borës kanë arritur deri mbi një metër lartësi dhe zona ka thuajëse dy ditë pa energji elektrike.
Sipas Qafës, pavarësisht se janë marrë masa dhe po bëhet maksimumi, situata është tepër e vështirë për shkak të motit të keq.
“Jemi në aksin Fushë Arrëz e Madhe, jemi në një situatë alarmante. Bashkia ka shpallur gjendjen e jashtëzakonshme sepse reshjet e borës janë deri mbi një metër lartësi dhe kemi thuajse dy ditë pa energji elektrike. Po presim të riparohet por vështirë. Me mjetet që ka në dispozicion bashkia po përpiqemi të bëjmë maksimumin, por është shumë e vështirë sepse kemi nevojë për mjete më të mëdha dhe më të mira. Të shpresojmë për më mirë.
Përpos reshjeve të dëborës kemi edhe erëra të forta që po fryjnë nga veriu kryesisht, kemi makina të bllokuara për disa kilometra këtu”, shprehet Qafa.
Discussion about this post