Girona-Mallorca mbyllet me rezultatin 2-1 në një sfidë që ishte shumë e luftuar.
Vendasit zhbllokuan sfidën në minutën e 45+2’ me Bernardo, duke e mbyllur pjesën e parë në avantazh.
Në minutën e 80’ Muriqi do të barazonte për Mallorcan, duke shënuar nga pika e bardhë e penalltisë. Megjithatë vetëm katër minuta më pas Girona rimori avantazhin me Castellanos.
Pas javës së 33-të të La Liga Girona ngjitet në vend të shtatë me 47 pikë, teksa Mallorca renditet në vend të 12-të me 41 pikë.
Edhe Espanyoli i Keidi Bares e mbylli këtë javë me humbje, me shqiptarin që e nisi këtë sfidë nga stoli, për më saktë hyri në fushën e lojës në minutën e 82’.
Sevilla mori fitoren 3-2 ndaj Espanyol, me golin e parë që u shënua në minutën e 22’ nga Gil. Miqtë do të gjenin barazimin në minutën e 29’ pas autogolit të Rekik. Ndërsa në minutën e 43’ Puado do të kalonte Espanyolin në avantazh.
Në minutën e 69’ Ocampos do të barazonte nga pika e bardhë e penalltisë, teksa në minutën e 88’ Gueye do të rikthente avantazhin te Sevilla dhe do të vuloste rezultatin e këtij takimi.
Pas kësaj jave Sevilla ngjitet në vend të 10-të me 44 pikë, teksa Espanyol vuan në vend të 19-të me 31 pikë.
Discussion about this post