Claudio Ranieri është rikthyer në Premier League duke marrë drejtimin e stolit të Watford. Trajneri italian, i cili fitoi titullin kampion me Leicester në sezonin 2015-2016, ka ngjallur shumë interes te mediat britanike.
Në atë kohë në prag të një ndeshje shumë të rëndësishme të ‘Dhelprave’ ndaj ekipit të Stoke, tekniku theksoi se do t’i qeraste me pica lojtarët e tij nëse nuk do të pësonin gol.
Teksa kanë rikujtuar këtë episod në prag të ndeshjes së tij të parë në krye të Watford, gazetarët e kanë pyetur Ranierin nëse do u jepte pica skuadrës së tij në rast se do të mbajtën portën të paprekur ndaj Liverpool.
69-vjeçari ka bërë shaka dhe ka thënë se pica është gjë e vogël, por ai do u japë një darkë të mirë nëse e realizojnë këtë objektiv.
“Jo pica, do të paguaj darkë!” -u shpreh trajneri italian.
Ndërsa duket se kjo fundjavë ka rezervuar një ndeshje shumë të vështirë për Watford, me ‘The Reds’ që duken në formë shumë të mirë./K.T/Gijotina.com
