Gomonia e dyshuar me drogë e cila u përfshi në një ndjekje të çmendur nga Gurdia di Finanza, është gjetur e djegur në plazhin e Godullës në Shëngjin dje. Siç duket në videon e siguruar, gomonia ishte e pajisur me katër motorë të fuqishëm, secili me 300 kuaj fuqi duke arritur të zhduket pa gjurmë helikopterëve të cilët po e ndiqnin dhe nga ajri.
Pas marrjes së masave për sekuestrimin e saj, serish është konstatuar se në serbatorin e gomones ndodheshin sasi të mëdha karburanti, që kanë shkaktuar edhe shpërthimin e gomones në flakë. Janë ofruar mjete nga ajri për të larguar mjetin motorik, dhe mjete nga toka të largojne nga brigjet e detit ne Godull mjetin e sekuestruar brenda së cilës janë konstatuar lëndë narkotike që dyshohej se ishte nisur në drejtim të shetit fqinj Italisë. Ende nuk dihet identiteti i personave që drejtonin mjetin lundrues plot me drogë. Sjellim në kujtesë që gomonia u shpëtoi autoriteteve shqiptare pasi u ngatërruar me një mjet turistik.
Discussion about this post