Habib Rexha, 31-vjeçari që akuzohet për ekzekutimin e Arian Gosës dy ditë më parë në Kavajë, përmes një video të publikuar, ka njoftuar dorëzimin e tij në polici.
Rexha shfaqet në krah të babait të tij, ndërsa shprehet se do të vetëdorëzohet. “Jam Habib Rexha, ky është babai im. Me dëshirën time do të vetëdorëzohem në Polici dhe me kërkesën e familjes time”, shprehet ai.
Policia njoftoi krahas kërkimeve intensive të zhvilluara për kapjen e shtetasit Habib Rexha, strukturat e Policisë negociuan dhe me familjarët me qëllim dorëzimin e këtij shtetasi.
Si rezultat i veprimeve kërkimore, pamundësisë së largimit dhe negociatave me familjarët, shtetasi Habib Rexha u vetëdorëzua në Komisariatin e Policisë Kavajë,” njoftoi policia.
Arian Gosa ishte me të atin dhe po pinte kafe në një lokal të Kavajës kur Habib Rexha u afrua dhe e vrau me një plumb në kokë.
Discussion about this post