Një krim i rëndë në familje ka ndodhur pasditen e sotme në fshatin Nënshat të Vaut të Dejës, ku burri ka vrarë me armë zjarri ish gruan e tij. Viktima është Xhuljana Topalli 40 vjeç, ndërsa i plagosur ka mbetur edhe vetë autori, Niko Hila, 55 vjeç.
Megjithatë rrethanat e krimit të rëndë nuk janë zbardhur ende. Vetë Hila ndodhet në spital ku po merr ndihmën e nevojshme mjekësore, pasi ka tentuar të vrasë edhe veten.
Xhuliana Topalli, 40-vjeçarja e cila u ekzekutua me kallashnikov nga ish-partneri i saj Niko Hila, prej kohësh ishte larguar në shtëpinë e prindërve të saj.
Mësohet se pas debateve të forta me Hilën, gruaja kishte vendosur t’i jepte fund marrëdhënies me 50-vjeçarin dhe ishte rikthyer tek prindërit.
Hila e qëlloi me breshëri kallshnikovi Topallin, duke e lënë të vdekur në vend. Më pas, ai ka qëlluar edhe veten duke tentuar vetëvrasjen, por ndodhet në spital duke u trajtuar.
Discussion about this post