Barcelona – Real Madrid, kjo do jetë finalja e Kupës së Mbretit në Spanjë për vitin 2025 që do luhet më 26 prill në Sevilla. Barça “likuidoi” pas 180 minutave Atletico Madridin dhe i bashkohet Realit në finalen e madhe që do jetë një “El Clasico”.
NDESHJA – Në “Metropolitano” dy skuadrat u futën në fushë për mos pësuar gol, pasi sfida e parë ishte mbyllur në shifrat e “çmendura” 4-4. Aq agresive ishte pjesa e parë, saqë kryesori Munuera akordoi gjashtë kartona të verdhë, pesë për Atleticon dhe një për katalanasit.
Duhej minuta e 27-të që Ferran Torres të gjente golin pas një pasimi nga Lamine Yamal, finalizim që në fund rezultoi i duhuri. Paçka përpjekjeve nga vendasit dhe pesë zëvendësimeve të Simeones, Barça kalon më tej dhe përballet në një finale që duhet thënë se ka nisur që tani, për vetë rivalitetin e një “El Clasico”.
Discussion about this post