VIDEO/ Operacioni në Bolivi, kush është shqiptari i arrestuar. Detajet

Policia boliviane finalizoi një operacion të gjerë kundër një grupit të përfshirë në trafikun ndërkombëtar të drogës.

Midis të arrestuarve është edhe një shqiptar i identifikuar si Loren Hyseni. Ky i fundit dyshohet si kreu i një organizate ndërkombëtare të trafikut të drogës nga Bolivia në Evropë dhe Azi.

Ministri bolivian i Brendshëm, i cili dha detajet e operacionit tha se shqiptari kishte hyrë ilegalisht në vend, ndërsa do të bashkëpunohet me Europol dhe Interpol për të zbardhur rrjetin e trafikut.

Operacioni u zhvillua gjatë ditës së djeshme ndërsa si synim kishte arrestimin e autorit të vrasjes së dy personave që u vranë në San Ignacio de Velasco gjatë ditëve të karnavaleve.

Mes të arrestuarve janë edhe dy shtetas brazilianë, një paraguajan, dhe një bolivian.

Subjektet u kapën gjatë një sërë bastisjesh, me qëllim kapjen e atyre që dyshohet se ishin përgjegjës për vrasjen e dy personave gjatë ditëve të karnavaleve në San Ignacio de Velasco.