Një 22-vjeçar shqiptar humbi jetën pas mesnate në Athinë, pasi u aksidentua me motorin ku udhëtonte. Ai është identifikuar me emrin Angelos.
Sipas asaj që shkruajnë mediat greke, kur i riu doli nga rruga me motoçikletë, u përplas me një mjet që po lëvizte në të njëjtën korsi me të.
Në pamjet e publikuara nga mediat greke, duket momenti kur motori bie në sipërfaqen e rrugës dhe rrëshqet për disa sekonda. Në fund përplaset me trotuarin.
Në pamjet e shpërndara nga mediat greke duket se si krijohen shkëndijat në asfalt si pasojë e shpejtësisë me të cilën rrëshqet motori. Ndërkohë në anën tjetër ka rënë kokorja të cilën 22-vjeçari e mbante fatkeqësisht në dorë.
Sipas dëshmitarëve, i riu përplasi kokën në tokë dhe humbi jetën menjëherë.
Discussion about this post