Sipas raportimeve nga deshmitarët në vendin e ngjarjes, Dedë Pllanaj ka qënë ulur në pikën e karburantit, pak metra në kryqëzimi i lagjes Rus, në hyrje të rrugës drejt Koplikut, në zonën e Dobraçit.
Personi i plagosur ishte ulur në pikën e karburantit ndërkohë drejt tij është qëlluar me pistoletë. Autorët kane qenë me motor ndërsa kane qëlluar me pistoletë dhe janë larguar. Burime bëjnë me dije se në vendin e ngjarjes janë gjetur 7 gëzhoja plumbash.
Menjëherë mbas ngjarjes ka mbërritur ambalunca e cila është drejtuar për në Spitalin Rajonal të Shkodrës. Pranë pikës së karburantit, është edhe një pallat në ndërtim, pronë e të ndjerit Bardhok Pllanaj.
Shërbimet e Policisë kanë ngritur pika kontrolli në hyrje-dalje të qytetit dhe vijon kontrolli i zonës me qëllim kapjen e autorëve.
Grupi hetimor nën drejtimin e Prokurorisë së Rrethit Gjyqësor Shkodër, po punon për identifikimin e autorëve zbardhjen dhe sqarimin e plotë të kësaj ngjarjeje.
Pritet njoftimi zyrtar i policisë së Shkodrës lidhur me këtë ngjarje të rëndë.
Discussion about this post