Këngëtarja Parashqevi Simaku ka publikuar këngën e saj të parë pas një shkëputjeje të gjatë disa vjeçare nga muzika.
Prodhimi muzikor titullohet “Dashuria”.
“A do të vish me mua, se të dua”, është një nga vargjet, që zbulohet përmes një videoje të shkurtër, të publikuar në rrjetet sociale.
Por duket se ky projekt i këngëtares është pritur me shumë kritika.
Në rrjetet sociale, komentet kanë qenë të shumta, por kryesisht negative. Shumë ndjekës shprehen të zhgënjyer, duke theksuar se prisnin një rikthim më dinjitoz për një artiste të kalibrit të saj.
“Nuk ka fjalë, është një moshë që nuk i shkon kështu… o jam gabim?”, shkruan një komentues.
Dikush tjetër e cilëson projektin si të papërshtatshëm për imazhin e saj: “E papërshtatshme për emrin tënd e moshën tënde. Më vjen vërtet keq që s’ke forcën të vendosësh vetë për veten. Ndërsa një tjetër ndjekës e krahason me artistin Elton Ilirjani, duke thënë: “Ka filluar të bëjë sjellje si Eltoni.”
Kujtojmë që Parashqevi Simaku, e cila jetonte e pastrehë në New Jork tronditi opinionin publik shqiptar, muaj më parë në një video të publikuar nga një televizion amerikan, teksa merrte ndihma sociale.
Ajo u ndihmua nga shqiptarë që jetojnë në Amerikë, ndërsa tashmë i është rikthyer sërish muzikës duke sjell këngë të reja.
Discussion about this post