Ka përfunduar operacioni i shpëtimit të turistit polak, 24-vjeçari me iniciale A.P. Ai ka qëndruar prej pothuajse 21 orësh në greminë në Kanionet e Gjipesë dhe kishte pësuar frakturë në njërën këmbë. 24-vjeçari është nxjerrë i sigurt nga humnera me ndihmën e zjarrfikësve, shërbimeve policore dhe ekipit të urgjencës.
Kujtojmë se turisti polak u rrëzua në greminë mesditën e së premtes dhe pësoi frakturë në këmbë. Pavarësisht përpjekjes së ekipeve të shpëtimit gjatë ditës së djeshme për ta nxjerrë, nuk mundën për shkak të terrenit të vështirë dhe 24-vjeçari e kaloi mbrëmjen në Kanionet e Gjipesë. Shpëtimi i tij u bë i mundur gjatë ditës së sotme dhe i riu është transportuar në spitalin e Vlorës, ku do marrë ndihmën e nevojshme mjekësore.
Shtetasi polak raportohet se aktualisht jashtë rrezikut për jetën.
Discussion about this post