Pas përmbytjeve katastrofike në Valencia që kanë marrë qindra jetë njerëzish, Barcelona është qyteti i radhës në Spanjë, ku është ngritur alarmi i kuq për përmbytje, pasi fluturimet janë devijuar dhe aeroporti “El Prat” është zhytur në ujë, ndërsa janë mbyllur edhe disa nga autostradat.
Meteorologët kanë lëshuar një alarm të kuq për reshjet e shiut përgjatë bregut të Barcelonës, duke paralajmëruar për “rrezik ekstrem” dhe duke u thënë njerëzve që të qëndrojnë vigjilentë dhe të mos udhëtojnë nëse nuk është rreptësisht e nevojshme.
Në mesazhin që ngre alarmin u bëhet thirrje njerëzve të shmangin çdo grykë ose kanal apo luginë. Rrugët sakaq janë bllokuar nga rrëshqitjet e baltës dhe niveli i lartë i ujit, me shoferët që janë filmuar teksa dëshpërimisht përpiqen të kthehen në shtëpi të sigurt.
Equip TV3 a la C32 a Castelldefels. Imatges a les 11.00 h Cristina Macias. @eltempsTV3 @meteocat @emergenciescat pic.twitter.com/tmJxBFxing
— MeteoMauri (@MeteoMauri) November 4, 2024
Në aeroport, videot tronditëse tregojnë ujin që derdhet në parkingjet e makinave dhe po ashtu nga tavanet e terminalit kryesor, ndërsa udhëtarët shihen duke hequr këpucët dhe duke kaluar nëpër sallën e nisjeve.
Ministri i Transportit në Spanjë, Oscar Puente tha se operatori i aeroportit, “Aena”, devijoi 15 fluturime që do të uleshin në aeroportin El Prat mëngjesin e sotëm për shkak të një stuhie shiu që goditi zonën.
📹✈️Així està ara mateix l’Aeroport del Prat
Molts vols es desvien a altres destinacions. El pàrquing es comença a inundar. Els treballadors de moment han d’anar-hi, l’operativa de terra es manté igual
Font: Aeroport del Prathttps://t.co/fSZXW23Auj pic.twitter.com/TobTnPmng2
— SER CATALUNYA (@SERCatalunya) November 4, 2024
Shërbimet e trenave periferike të Katalonjës janë anuluar, ndërsa stacionet e metrosë dhe rrugët janë mbyllur gjithashtu pasi autoritetet po përpiqen të kufizojnë lëvizjet e njerëzve dhe të shmangin përsëritjen e katastrofës së javës së kaluar.
Ndërkohë, në Valencia, kërkimi i zymtë po vazhdon për trupat brenda shtëpive dhe mijëra makinave të rrënuara të shpërndara në rrugë, në autostrada dhe në parkime nëntokësore pas përmbytjeve vdekjeprurëse të javës së kaluar në zonat e populluara.
Aemet a explicado que el aeropuerto de Barcelona- El Prat ha acumulado 150litros por metro cuadrado en 4h este lunes pic.twitter.com/fmy9xJ2o9d
— 🌑 (@DaniFraLa) November 4, 2024
Qytetarë, vullnetarë dhe mijëra ushtarë dhe oficerë policie po ndihmojnë në përpjekjen gjigante të pastrimit nga balta dhe mbeturinat. Të mbijetuarit që kanë humbur gjithçka kanë shprehur zemërimin e tyre ndaj autoriteteve, të cilët thonë se nuk arritën t’i paralajmëronin në kohë dhe ishin të ngadaltë në reagimin e tyre.
Castelldefels tanca equipaments i suspèn l’activitat municipal fins a les 15.00. Així estan alguns carrers de la ciutathttps://t.co/DgG8JwavuG pic.twitter.com/cCfSGNMR1f
— 324.cat (@324cat) November 4, 2024
Zemërimi iu drejtua në formën më të ashpër mbretit të Spanjës, Felipe VI dhe Mbretëreshës Letizia dje teksa ata vizituan Paiportan, një nga qytetet më të goditura në Valencia.
Tensioni ishte i dukshëm pasi Mbreti doli nga automjeti për të ecur nëpër rrugët e rrethuara nga truproja, me protestuesit që hodhën baltë dhe objekte drejt tij dhe familjes mbretërore.
Discussion about this post