Spanja po goditet nga një katastrofë e re përmbytjesh, pasi rreshjet e rrëmbyeshme kanë përfshirë Gironan në verilindje të Barcelonës.
Pamjet tregojnë vërshimet e ujit që merr përpara gjithçka në rrugë, duke përfshirë disa automjete. Stuhia e shiut përfshiu qendrën e qytetit katalanas të Cadaques këtë mëngjes.
Sot banorët u zgjuan me një skenë të re shkatërrimi, me kryebashkiakun Pia Serinyana që zbuloi se gjithsej 32 makina ishin prekur nga përmbytjet.
Shumë prej tyre përfunduan pirg mbi njëra-tjetrën në një urë përballë kazinosë së qytetit. Një prej automjeteve të shkatërruara i përkiste një turisti të huaj. Një javë më parë Spanja u godit nga një tjetër përmbytje, që përfshiu Valencian dhe la mbi 200 të vdekur.
Discussion about this post