Pallati i Versajës, një nga sitet turistike më të vizituara nga turistët në Francë, është përfshirë nga flakët pasdite e kësaj të marte. Zjarri fillimisht ka nisur në një zonë me çati ku po kryheshin punime për rinovimin.
Një zëdhënës i pallatit sqaroi se zjarrfikësit kanë ndërhyrë me shpejtësi duke vënë flakët nën kontroll, ndërsa u evakuuan turistë të shumtë që ndodheshin brenda në momentin kur shpërthyen flakët.
“Nuk ka më tym, nuk ka më flakë dhe nuk ka dëme të rëndësishme”, shtoi zëdhënësi.
Pallati, i ndërtuar në shekullin e 17-të për mbretin Louis XIV, ishte rezidenca kryesore mbretërore deri në Revolucionin Francez dhe përmbysjen e monarkisë në 1789.
Début d’incendie au château de #versailles pic.twitter.com/5kqUgSboQ1
— Fdesouche.com est une revue de presse (@F_Desouche) June 11, 2024
Më shumë se shtatë milionë njerëz e vizitojnë pallatin çdo vit, ndërsa më vonë gjatë kësaj vere ai do të presë lojërat Olimpike të kuajve.
In #France, visitors to the Palace of #Versailles were evacuated after a fire alarm went off. According to videos circulating on social networks, smoke is rising from the palace. pic.twitter.com/lAn4Mx2epq
— NEXTA (@nexta_tv) June 11, 2024
Discussion about this post