Ka përfunduar pjesa e parë e Derbit të Kryeqytetit që po mbahet në stadiumin ‘Air Albania’ mes Partizanit dhe Tiranës duke e bërë në këtë mënyrë mbylljen më të bukur të kalendarit vjetor futbollistik të Shqipërisë.
Me fillimin e pjesës së parë, Partizani është hedhur menjëherë në sulm me Carën, i cili përfitoi nga një top i gabuar i Tiranës, por Hoxhallari bën detyrën në mbrojtje dhe ndalon gjithçka.
Entuziazmi i tifozëve në shkallët e stadiumit nuk mund të mbahej, dhe kjo kulmoi në minutën e 6’ kur ndeshja u ndërpre për pak minuta për shak të flakadanëve që hidheshin në fushën e blertë.
Tirana do të tregonte se jo më kot është në krye të tabelës, dhe në minutën e 8’ i tregon ‘dhëmbët’ Partizanit duke tundur rrjetën e Teqjas, por goli vlerësohet s ii pavlefshëm, duke e bërë të pavlerë mundimin e Ngo.
Minutat në vijimin do të shihnin aksionet e alternuara të Hoxhallarit dhe Malës me skuadrat që ishin në kërkim të golit për të zhbllokuar këtë sfidë por goli i parë do të vinte vetëm në minutën e 28’ për Përgjonin që gjen rrjetën e parë në këtë kampionat me Tiranën, duke çuar në peshë të gjithë tifozerinë bardheblu të pranishme në stadium.
Pas një krosimi nga këndi, Ngo devijon topin i cili përplaset në kokën e Florian Përgjonit, duke përfunduar në rrjetën e Partizanit me shifrat e pjesës së parë që shkojnë në 1-0.
Gjatë fesimeve të golit që Përgjoni shënoi, një tifoz nga ana e Tiranës nuk është ndjerë mirë, dhe për këtë arsye janë afruar stafet mjekësore të të dyja skuadrave.
Gjithashtu është kërkuar edhe ndërhyrja e stafit mjekësor të stadiumit, ku ambulanca është shfaqur në fushën e blertë. Ndërhyrja e mjekëve bëri që gjëndja të normalizohej, dhe tifozi të largohej shëndoshë e mirë nga shkallët e stadiumit.
Discussion about this post