Autostrada del Sole është bllokuar në seksionin Arezzo, midis Monte San Savino dhe Arezzo për shkak të përplasjeve midis mbështetësve të Napolit dhe Romës, sipas policisë.
Në vendngjarje kanë qenë të pranishme patrullat e policisë rrugore. Për momentin korsia veriore e Autosole është e mbyllur, por sipas të gjitha gjasave edhe korsia drejt jugut do të mbyllet për trafikun me pasoja të rënda në lëvizje.
Ultrasit napolitan janë nisur drejt Genovas për ndeshjen në Marassi kundër Sampdorias të planifikuar për në orën 18:00, ndërsa tifozët verdhekuq priten në Milano ku në orën 20:45 do të zhvillohet ndeshja në San Siro mes Milanit dhe Romës.
Sipas asaj që është mësuar nga policia, në origjinën e përplasjeve përgjatë A1 në zonën e Arezzo është prita e ngritur nga një grup ultras nga Napoli kundër romanistëve, në tranzit për të arritur në Milano: më pas erdhi reagimi i palës tjetër.
Policia për të evituar situata të mëtejshme të rrezikshme ka bllokuar edhe qarkullimin në autostradë, i cili ka rinisur së fundmi. Aktualisht po kryhet identifikimi i tifozëve të Romës dhe Napolit.
Sipas lajmeve të para është edhe një i plagosur, i cili nga sa mësohet është dërguar në spitalin e Arezzo.
Discussion about this post