Dalin pamjet e përplasjes së trenit të pasagjerëve nga Tirana në Shkodër i cili u përplas sot rreth orës 13: 50 me një kamion. Përsa i përket ngjarjes ka reaguar Policia e Shtetit e cila bën me dije se si pasojë e aksidentit nuk ka pasur persona të dëmtuar, por vetëm dëme në materiale.
Sipas forcave të rendit, shkak për aksidentin është bërë drejtuesi i kamionit, ndaj të cilit janë marrë masa administrative sipas Kodit Rrugor.
Policia bën me dije se të dy drejtuesit e mjeteve kanë dal negativ në testin e alkoolit. Kujtojmë se treni i pasagjerëve Vorë-Shkodër, është vendosur ditën e sotme në punë pas dy vitesh mungesë, por duket se rikthimi në shina nuk ka shkuar ashtu siç duhet.
Discussion about this post