Një sherr ka ndodhur në një nga resortet më në zë në periferi të Tiranës. Në pamjet e publikuara nga Pamfleti shihet se thuajse 10 të rinj i sulen një tjetri me grushte e shkelma. Ata e godasin të gjithë bashkë dhe më pas e shtrijnë buzë pishinës së resortit për të vijuar me sulmin.
Gjithçka ka ndodhur për ngacmimin e një vajze që po pushonte në resort. E reja është ngacmuar sistematikisht nga djali që dhunohet në video. Edhe pse vajza, bija e një personi në fushën e drejtësisë e ka refuzuar djalin, i riu ka këmbëngulur e kjo gjë ka sjellë reagimin e të afërmve e miqve të të resë.
Ata e kanë dhunuar të riun, por nuk dihet se si ka përfunduar sherri. Në njoftimin zyrtar të policisë shkruhet vetëm se në sherr janë përfshirë tre të dehur që janë zënë me njëri-tjetrin, por nuk shpjegohet nëse i dhunuari ka përfunduar në spital apo nëse ka pasur të proceduar për sherrin.
Discussion about this post