Valeria Plante, kryebashkiakja e Montrealit në Kanada, përjetoi një moment dobësie gjatë një konference për shtyp, që po transmetohej direkt në televizionet kanadeze.
Teksa po fliste të martën para gazetarëve, ajo humbi vetëdijen dhe u rrëzua prapa foltores, duke habitur edhe të pranishmit që nuk e dinin se çfarë po ndodhte, transmeton Telegrafi.
Për fat të mirë stafi nga kabineti i saj dhe mjekët që gjendeshin pranë, i dolën në ndihmë dhe e ngritën në këmbë.
Deri më tani nuk dihen shkaqet e vërteta të këtij momenti, por nga zyra e saj kanë bërë të ditur se ajo do të reduktojë punën e saj.
Pamjet e këtij momenti janë shpërndarë pothuajse në çdo platformë të rrjetet sociale, ku shihet sesi Plante rrëzohet në tokë.
Discussion about this post