Policia e Shtetit ka publikuar pamjet nga kampi MEK, të regjistruara me dron, ku shfaqen anëtarë të MEK që bëjnë një rezistencë të organizuar ndaj forcave të policisë, që kishin shkuar për të ushtruar një kontroll, bazuar në një vendim të GJKKO.
Nga pamjet e publikuara nga Policia, shihen anëtarë të MEK që të ndarë në grupe bllokojnë forcat e policisë, por edhe tentojnë të shkatërrojnë dokumente.
Policia ka publikuar vetëm një tablo të asaj që ka ndodhur në kampin e muxhahedinëve në Manzë, ku shfaqen kundërshtitë nga ana e pjesëtarëve të MEK, ndërkohë që këta të fundit pretendojnë se janë dhunuar nga Policia e Shtetit.
Autoritetet shqiptare mohojnë kategorikisht që viktima e shkaktuar në kamp humbi jetën si pasojë e dhunës policore, sikundër pretendohet nga MEK, ndërsa ministri i Brendshëm Çuçi dhe Kryepolici Rrumbullaku, aludojnë për një vdekje natyrale për shkak të moshës së viktimës.
Po kështu, Policia e Shtetit mohoi kategorikisht lajmet se ka të plagosur nga rradhët e MEK, ndonëse në media u dhanë lajme se të paktën 15 persona kishin marrë ndihmë mjekësore te Trauma.
Discussion about this post