Edhe këtë të premte, protestuesit kanë hedhur molotov pranë derës kryesore të Bashkisë së Tiranës, sot e fortifikuar, gjatë protestës që po mbahet për dorëheqjen e Erion Veliajt.
Nga pamjet shihen efektivët e policisë që pas hedhjes së molotovit ndërhyjnë me mjete zjarrfikëse për të shuar flakët.
Gjatë protestës së sotme, që pritet të zgjasë deri në orët e vona të ditës, qytetarë dhe anëtrë të opozitës kanë kërkuar jo vetëm dorëheqjen e Veliajt si kryebahskiakun e Tiranës, por edhe arrestimin e tij.
Gjatë fjalimeve të mbajtur nga mikrofoni i protestës, është dënuar dhe reagimi i ambasadave “kundër dhunës” në protestën e një jave më parë.
“I keni parë dhe të gjithë jeni dëshmitarë sesi dhe opinioni publik botëror po i nxjerr lakrat, po i nxjerr llumin këtij shteti mafioz, të lidhur me bandat, prandaj ne qytetarë duhet të revoltohemi dhe nuk ka gjë që na ndal derisa ta largojmë këtë bandë mafioze, këtë bandë kriminelësh dhe nuk ka opinion ambasadash që të na pengojë. Jemi ne që e vuajmë në kurriz. Nuk janë ata që e vuajnë në kurriz atë ç’ka heqim prej mafiozëve shqiptarë”, tha regjisori Edmond Budina.
Discussion about this post