Një burrë në qytetin e Novosibirsk, u hodh nga kati i tetë i një ndërtese duke përdorur një çadër dhe vdiq rrugës për në spital.
Ngjarja ka ndodhur sot, kur një person hapi një ombrellë dhe më pas u hodh nga ballkoni. Por përpjekja e tij për të provuar nëse çadra do të shërbente si një ‘parashutë’ ka rezultuar tragjike.
“Para se të binte, ai bërtiste me të madhe duke i shqetësuar të gjithë. Dukej se kishte pirë shumë, u ngjit në ballkon me ombrellë dhe ra poshtë”, kanë thënë dëshmitarët për Atas.info.
Fqinjët thirrën menjëherë një ambulancë me ndihmës mjekë në përpjekje për t’i dhënë ndihmën e parë. Megjithatë, burri ndërroi jetë në ambulancë pak metra larg spitalit.
“Viktima ishte 40 vjeç. Ai ka pësuar lëndim në kokë dhe thyerje të këmbës”, ka thënë një burim për Atas.info.
“Policia mori një raport për incidentin dhe oficerët nxituan në vendngjarje,” komentoi Departamenti i Policisë së Novosibirsk.
In #Novosibirsk, a man jumped from the eighth floor using an umbrella instead of a parachute. On the way to the hospital, he died. pic.twitter.com/QQJaamq8uB
— NEXTA (@nexta_tv) May 18, 2023
Discussion about this post