Reshjet e shiut kanë bllokuar rrugët në Lezhë. Disa lagje të qytetit janë bllokuar nga uji. Nga pamjet e publikuara nga JOQ, duket qartë se sistemi i kanalizimeve nuk e përballon nivelin e prurjeve. Për fat të keq, kjo është një situatë e përsëritur sa herë që ka reshje të dendura shiu.
Si pasojë e reshjeve të dendura, ujërat kanë vërshuar nëpër rrugë të qytetit, duke paralizuar lëvizjen e qytetarëve dhe automjeteve.
Bëhet me dije se situata më problematike shfaqet në bulevardin “Gjergj Fishta”, bllokun e banimit “11 Janari” dhe në lagjen “Besëlidhja”. Niveli i ujit ka arritur deri në 30 centimetra, duke bllokuar hyrjet e pallateve por edhe trotuaret në disa biznese.
View this post on Instagram
Discussion about this post