Barcelona kualifikohet për në fazën çerekfinale të Champions League me katalanasit që mposhtën në shtëpi Napolin me shifrat 3-1 ndërsa sfida e parë në Itali ishte mbyllur me rezultatin 1-1.
Katalanasit e nisën ndeshjen me shumë vrull duke realizuar dy herë brenda dy minutave (15 dhe 17).
Në minutën e 30, Napoli shkurtoi diferencat me anë të Amir Rrahmanit. Mbrojtësi gjeti golin e parë në Champions League pas një asisti të Politanos.
Në fraksionin e dytë, Napoli nuk ia doli të barazonte ndërsa nga ana tjetër, Barcelona gjeti edhe të tretin me anë të Lewandowskit.
Kështu, skuadra e Xavi Hernandez kalon për në fazën tjetër dhe pret të mësojë kundërshtarin pas shortit.
Discussion about this post