Ka mjaftuar disa minuta shi për të përmbytur rrugët e Tiranës. Pamjet e mëposhtme të publikuara nga ish-Kryeministri Sali Berisha në rrjetin social, tregojnë atë që ka ndodhur në kryeqytet pas reshjeve intensive që zgjatën pak minuta.
Duket se shiu ka rrëzuar tërë propagandën e kryebashkiakut Erion Veliaj, i cili edhe fushatën për zgjedhjet e 14 majit, ku mori mandatin e 3-të, e bazoi pikërisht te ajo që Tirana nuk përmbytej më për shkak të reshjeve.
Me siguri, nëse përmmbytja do të ndodhte para zgjedhjeve, do të shihnim Kryebashkiakun apo stafin e tij në Bashkinë e Tiranës, me mushama dhe me lopata në duar për të zhbllokuar kolektorët. Gjithsesi, sot sërisht kryebashkiaku mund ta gjejë një justifikim, të na tregojë përmbytjet që kanë ndodhur në Itali, ditët e fundit, apo të thuhet se ky rrebeshi i sotëm është me intensitetin më të madh të 100 viteve të fundit.
“Mjafton një rrebesh 5 minuta, për të përmbytur Tiranën!”, shkruan Berisha, duke postuar videon e mëposhtme.
Discussion about this post