Tetori është muaji i sensibilizimit për gratë e vajzat, përsa i takon kontrolleve (mamografisë) për të parandaluar ose diagnostikuar në kohë kancerin e gjirit.
Në këtë muaj ka një sensibilitet të lartë nga çdo institucion, organizatë, apo veprimtari publike, ku drejtohen mesazhe për të ushtruar kontrollet që evidentojnë një nga tumoret që, nëse nuk kapet në kohë, i kushton jetën pacientit.
Në shenjë sensibilizimi, me këtë mesazh është bashkuar edhe Partia Demokratike, selia e së cilës këtë mbrëmje është ndriçuar me ngjyrën rozë.
“Selia e Partisë Demokratike është ndriçuar mbrëmjen e kësaj të premte me ngjyrën rozë në shenjë sensibilizimi për muaji e ndërgjegjësimit ndaj kancerit të gjirit.
Tetori, njohur ndryshe edhe si “Tetori Rozë” është një muaj i rëndësishëm, në thelb të cilit qëndron një mesazh i fortë e tepër i rëndësishëm mbi ndërgjegjësimin ndaj kancerit të gjirit.
Ky muaj i dedikohet gruas dhe vajzës për t’u ndërgjegjësuar rreth kontrolleve të shëndetit dhe parandalimin në kohë të kancerit të gjirit, kontroll ky i cili duhet kryer në mënyrë sistematike çdo vit për të shmangur rreziqet e mundshme.
Të martën, më datë 24 tetor, në ora 17:30, në selinë e Partia Demokratike, Lidhja Demokratike e Gruas dhe Departamenti Brain Gain në PD, në kuadër të “Tetorit Rozë” organizojnë një aktivitet sensibilizues me temë: Duaje veten-Duaje jetën! Këtij aktiviteti i bashkohet edhe kryetarit të PDSH, z. Sali Berisha si dhe personalitete të shumtë nga politika, arti, kultura etj.
Aktiviteti çelet me një mozaik me gurë, nga artistja, Erieta Gajtani. Në këtë mozaik femra është aksi kryesor i ekspozitës, frymëzuar nga mitologjia”, thuhet në njoftimin e PD-së.
Discussion about this post