Policia italiane ka vënë në pranga një 27-vjeçar shqiptar, i cili u zhvendos në Arezzo, duke filluar nga Ceciliano për të kryer dërgesat në shtëpi. Ai kishte mbërritur kohët e fundit në Itali, por u zbulua menjëherë nga autoritetet për më pak se dy muaj dhe u arrestua me akuzën e trafikut të drogës.
Shqiptari i arrestuar me inicialet D.K, 27 vjeç nga Shqipëria, kishte gjetur bazën në Ceciliano dhe prej andej furnizonte disa konsumator kokaine në Arezzo, veçanërisht në zonën e Via Romana.
I riu kishte mbërritur së fundmi në Arezzo, në tetor të këtij viti. Policia i ka pikasur ditët e fundit lëvizjet e tij, e kështu pasditen e djeshme, pasi bëri shitjen e katërt të kokainës brenda pak ditësh në Via Romana, u realizua arrestimi i tij. 27-vjeçari nuk dukej i shqetësuar për arrestimin, ndërsa gjatë kontrollit agjentët kanë sekuestruar 35 gramë kokainë të pastër, 2000 euro para cash, një armë dhe mjetet e përdorura për paketimin e drogës.
I arrestuari u mbajt në dhomat e sigurisë së komisariatit, ndërsa mëngjesin e sotëm ka mësuar dhe akuzën nga gjykata në Arezzo.
Discussion about this post