Një shpërthim i madh ka ndodhur mëngjesin e sotëm në qendër të Milanos në via Pier Lombardo, në zonën e Porta Romana.
Shpërthimi ka nisur nisur nga një furgon që mbante bombola oksigjeni, i drejtuar, ndoshta për në Institutin Auxologjik Italian, jo shumë larg nga vendi i aksidentit.
Sipas dëshmitarëve, flakët kanë përfshirë katër makina të parkuara, një farmaci dhe disa apartamente në një pallat ngjitur.
Në vendngjarje kanë shkuar ambulancat dhe zjarrfikësit, ndërsa karabinierët kanë mbyllur zonën për qarkullim.
Kopshti i Motrave Mantellate në via Vasari është evakuuar, së bashku me një ndërtesë tjetër në via Pier Lombardo.
Discussion about this post