Emocione të jashtëzakonshme nuk kanë përjetuar vetëm shqiptarët në ndeshjen e Kombëtares kundër Kroacisë, por, siç e tregon videoja e publikuar në rrjetet sociale nga Taty Mendes, vajza e trajnerit Sylvinho, edhe nga ajo.
Familja e Sylvinhos ishte e gjitha e pranishme në tribunën e stadiumit të Hamburgut duke ndjekur ndeshjen emocionuese dhe Taty nuk ka mbajtur lotët në momente të ndryshme të sfidës.
Ajo shihet teka fshin lotët në fillim dhe në fund të ndeshjes, kur feston bashkë me të ëmën dhe me partnerin momentin e veçantë kur lojtarët e Shqipërisë po përshëndeteshin me tifozët.
Discussion about this post