Një sherr mes një grupi personash ka ndodhur mëngjesin e sotëm në Aegaleo, Athinë. Ngjarja ka ndodhur pak pas orës 10:00, kur dy makina ndodheshin në semafor në kryqëzimin e rrugëve Ieras Odos dhe Thebës.
Më pas, për arsye të panjohura, drejtuesit e dy mjeteve kanë nisur të bisedojnë dhe nga njëra veturë kanë zbritur tre persona të cilët janë nisur drejt çiftit.
Ata iu afruan dhe filluan të rrahin burrin 43 vjeçar, me origjinë shqiptare ashtu edhe gruan në të njëjtën moshë që ishte në makinë së bashku me të.
Çifti u dërgua me autoambulancën e EKAV-së në spitalin Thriasio. Fatmirësisht shqiptari është jashtë rrezikut për jetën ndërsa policia ka nisur hetimet për arrestimin e tre personave, raportuan mediat greke.
Discussion about this post