Kombëtarja shqiptare udhëtoi ditën e sotme drejt Kishinaut, në kuadër të ndeshjes së parë ‘finale’ të muajit nëntor ndaj Moldavisë, që do të luhet më 17 nëntor në stadiumin ‘Zimbru’.
Kombëtarja shqiptare ka zhvilluar sot në stadiumin “Zimbru” të Kishinjevit seancën e fundit stërvitore në prag të ndeshjes së ditës së premte ndaj Moldavisë.
Pas konferencës zyrtare për media të trajnerit Silvinjo dhe kapitenit Gjimshiti, skuadra ka dalë në fushën e stadiumit të ndeshjes, dhe ka zhvilluar një seancë të plotë stërvitore, ku kanë marrë pjesë të gjithë lojtarët.
Stërvitja ka qenë e fokusuar te loja me top dhe provimi i situatave apo skemave të ndryshme të lojës. I gjithë grupi gëzon formë të mirë dhe deri më tani nuk ka asnjë lojtar me problemeve fizike, teksa të gjithë lojtarët e ftuar do të jenë të gatshëm për ndeshjen ndaj Moldavisë.
Seanca ka zgjatur për pak më shumë se një orë e më pas lojtarët janë rikthyer në hotel. Ndeshja me Moldavinë do të luhen të premten e 17 nëntorit, duke filluar nga ora 18:00 dhe ka një rëndësi historike për Shqipërinë e futbollit, që është shumë pranë kualifikimit për në finalet e Euro 2024.
Për këtë arsye të gjithë lojtarët dhe stafi teknik kanë qenë shumë të fokusuar te përgatitja sa më e mirë e kësaj ndeshjeje më qëllimin për të marrë tre pikët vendimtare.
Discussion about this post