Numri i vajzave që rrihen dhe dhunojnë njëra-tjetrën në shkolla, sa vjen e rritet. Një tjetër video që po qarkullon në rrjetet sociale, tregon dy vajza të mitura duke u rrahur. Pamjet janë filmuar në Bathore, pranë shkollës “Ibrahim Basha”.
Në momentin që vajzat zihen, pranë tyre afrohen dhe bashkëmoshatarët, por jo për t’i ndarë. Ata shihet që shijojnë ‘shfaqjen’ dhe filmojnë, ndërkohë që dy vajzat zihen me njëra-tjetrën.
Ky është sherri i disatë që ndodh në shkolla. Vetëm pak ditë më parë, një tjetër video e publikuar në rrjetet sociale tregonte dy vajza që ziheshin me njëra-tjetrën. Vajzat ishin nxënëse të shkollës 9-vjeçare “Kongresi i Manastirit”.
Discussion about this post