Gazetari investigative Artan Hoxha tha në emisionin “Të Paekspozuarit” se Edi Rama ka shmangur çdo koment lidhur me video-skandalin Gjici.
Hoxha tha se Rama flet për çdo gjë, nga konflikti në Ukrainë dhe çdo çështje tjetër, ndërkohë që nga data 16 qershor kur u shfaq video-skandali, Kryeministri nuk ka pasur asnjë reagim.
Sipas Hoxhës, enturazhi i Kryeministrit gjithashtu është mjaftuar të thotë se mazhoranca e mori një vendim politik me shkarkimin e Gjicit.
“Gjici nuk i duhet më askujt, por çfarë po bëhet, po fryhet opinion sikur pas kësaj video qëndron Sali Berisha, gjë që nuk është e vërtetë. Mazhoranca nuk komenton, thjesht shtyn drejt idesë se ka lidhje Berisha. Atëherë pse e mbajnë këtë qëndrim? Sepse në Kukës ka prapë zgjedhje dhe PS i duhet të fitojë bashkinë më të madhe në veri-lindje të vendit”, tha Hoxha.
Në vijim ai tha “Rama kur ishte fushata doli dhe u tha njerëzve: votoni Safetin se është kalë, ndërsa unë jam krye-kali”. Tani kali i Kukësit dihet ku vajti, çfarë do të ndodhë me kryekalin”.
Discussion about this post