Pamjet e një fëmijë të mitur në këmbë brenda një makine në Tiranë janë bërë virale. Videoja është publikuar nga Policia Rrugore e Tiranës, e cila paralajmëron drejtuesit e mjeteve që të vendosin rripin e sigurimit. Menjëherë pas ngjarjes shoferi i mjetit, i cili është edhe prindi i fëmijës është gjobitur me 22 mijë lekë të reja dhe 10 muaj heqje patente.
“Vijon monitorimi intensiv i qarkullimit, me qëllim parandalimin e aksidenteve rrugore. Respektoni rregullat e qarkullimit rrugor, kujdesuni për sigurinë dhe shëndetin e vetes dhe të fëmijëve tuaj!
Cilido që nuk përdor rripin e sigurisë dhe sistemet e fiksimit për pasagjerët deri në 12 vjeç, ndëshkohet me masë administrative 5.000 – 15.000 lekë të rinj dhe pezullim të lejes së drejtimit nga 6 deri 12 muaj”, thuhet në njoftim.
Discussion about this post