Juventus dhe Real Madrid u përballën në një ndeshje miqësore në turneun parasezonal që skuadrat po zhvillojnë në SHBA.
Takimi i luajtur në “Orlando” përfundoi me fitoren e “Zonjës së Vjetër” 3-1.
Për Juventus realizuan Kean, që në minutën e parë, dhe 19 minuta më pas dyfishoi shifrat Weah. Për Real Madrid ngushtoi diferencën Vinicius Junior në minutën e 38.
Në pjesën e dytë, skuadra e Carlo Ancelottit e rriti ritmin, por Bellingham e Joselu, nuk arritën në barazonin.
Në të 95-ën, Vlahoviç vulosi triumfin e ‘Zonjës së vjetër’ në këtë miqësore.
Sulmuesi serb u aktivizua sërish nga trajneri Allegri edhe pse së fundmi është përfolur për një shkëmbim mes tij dhe Lukakut, ku ballkanasi pritet të zbarkojë tek londinezët e Chelseat dhe belgu në Torino te ‘bardhezinjtë’.
Discussion about this post